Aktualisht në grumbullim me kombëtaren e Brazilit për dy miqësoret ndaj Japonisë dhe Koresë së Jugut, Rodrygo ka folur për të ardhmen e tij te Real Madridi.
Në intervistën për “AS”, ai ka sqaruar zërat e fundit për një largim të mundshëm:
“Ka qenë një periudhë shumë e vështirë në nivel personal. Për një kohë të gjatë nuk kam folur me askënd dhe askush nuk e dinte çfarë po përjetoja. Nuk isha mirë as fizikisht, as mendërisht”.
Sulmuesi brazilian falënderoi Carlo Ancelottin për mbështetjen dhe durimin që tregoi ndaj tij gjatë rikuperimit. Rodrygo theksoi se është i vendosur të qëndrojë në Madrid:
“Ka gjithmonë oferta, por unë ia kam bërë të qartë klubit se dua të vazhdoj të rritem në ‘Bernabeu’.
Sa kohë që Real Madridi më dëshiron, do të jem aty. Nëse një ditë më kërkon të largohem, do ta pranoj, por deri tani nuk ka ndodhur”.
Ai pranoi se po mëson të përshtatet edhe me rolet e reja që Xabi Alonso i kërkon: “E preferoj krahun e majtë, atje ndihem më i fortë, por jam gjithmonë i gatshëm për ekipin. Po përmirësohem dhe ndihem i lumtur”.
