Në Bibliotekën Kombëtare të Kosovës “Pjetër Bogdani” ka nisur edicioni i 23-të i “Javës së Bibliotekës”, këtë vit me temën “RILINDJA – Zëra në kujtesë”.
Sipas Ministrisë së Kulturës dhe Turizmit, aktiviteti vë në fokus historinë e shtypit dhe librit, si dhe trashëgiminë kulturore të periudhës së Rilindjes.
Në ditën e parë të këtij edicioni janë hapur tri ekspozita, ndërsa gjatë javës do të organizohen aktivitete të ndryshme kushtuar librit, shtypit, kujtesës dhe trashëgimisë kulturore.
Programi do të vijojë deri më 2 tetor, ndërsa nesër do të mbahet edhe Takimi Vjetor i Drejtorëve të Bibliotekave Kombëtare të Evropës Juglindore.
Në fokus të takimit do të jetë bashkëpunimi rajonal, si dhe përdorimi i inteligjencës artificiale në shërbimet bibliotekare./teve1.info/
