Qasja në chatbotin e njohur ChatGPT është rikthyer në Itali.
ChatGPT ishte ndaluar nga autoriteti italian i mbrojtjes së të dhënave në fillim të muajit prill për shkak të shqetësimeve të privatësisë.
Kompania OpenAI që qëndron prapa këtij chatboti tha se kishte “adresuar ose sqaruar” me sukses çështjet e ngritura.
Kompania tha se politika e tij e privatësisë tani është vendosur për njerëzit përpara se të regjistroheshin për ChatGPT dhe kishte një mjet të ri për të verifikuar moshën e përdoruesve.
Autoriteti italian i mbrojtjes së të dhënave, i njohur gjithashtu si Garante, kishte kufizuar përkohësisht chatbot-in dhe kishte nisur një hetim për shkelje të dyshuar nga ana e aplikacionit të inteligjencës artificiale.
Derisa Garante kishte akuzuar kompaninë OpenAI që dështoi për të kontrolluar moshën e përdoruesve të ChatGPT për 13 vjeç e lart, OpenAI tha se do të ofronte një mjet për të verifikuar moshat e përdoruesve në Itali pas regjistrimit.
