Hisen Berisha nga PDK-ja, thotë se për zgjidhjen e krizës politike në vend janë zgjedhjet.
Por, sipas tij, Kosova nuk do shkojë drejt zgjedhjeve, pasi deklaron se sistemi i votimit është i kompromentuar e i korruptuar.
“Vendi nuk shkon në zgjedhje. Të jeni të qetë. Zgjidhja do të ishin zgjedhjet, por nuk shkohet me këtë lloj sistemi të votimit dhe të numërimit. Sistem votimi i komprementimit tërësisht dhe sistem votimi i korruptuar deri në fund. Pra, kanë qenë zgjedhje manipulative”, tha ai në emisionin “Mesditë” në Tëvë1.
Për Berishën nuk ka qenë i pranueshëm rezultati i dalë nga zgjedhjet e 9 shkurtit.
“Problemi te zgjedhjet është vetë sistemi i votimit, mënyra e votimit dhe ai ‘superman-i’ që i bën 10 deputetë dhe është mënyra e votimit, që është e korruptuar. Dalja e rezultateve tregoi edhe më shumë se kemi të bëjmë me sistem të korruptuar. Absolutisht, jo! Jam 1 milion për qind i bindur, sikur vërtetë këtu të ishte shteti korrekt, prokuroria speciale, hetuesia dhe çdo subjekt politik. Ky sistem ka qenë i kompromentuar, rezultatet nuk janë valide”, deklaroi Berisha./teve1.info/
