Deputetja Emilija Rexhepi, ka thënë se shpreson që sot do të votohet kryetari i parlamentit dhe pesë nënkryetarët.
‘’Shpresoj se sot është një ditë solemne, dhe e votojmë kryetaren e parlamentit dhe pesë nënkryetarët, pastaj e shohim qysh shkon situata për president dhe qeveri’’, ka thënë ajo.
Kuvendi i Kosovës pritet të rifillojë sot procesin e konstituimit, pas më shumë se një muaji bllokadë institucionale. Seanca e vazhdimit është caktuar të mbahet të mërkurën, në orën 11:00.
Pjesëmarrjen në seancë e kanë konfirmuar Lëvizja Vetëvendosje (LVV), Partia Demokratike e Kosovës (PDK) dhe Lidhja Demokratike e Kosovës (LDK), ndërsa Aleanca ka vendosur të bojkotojë seancën.
