Ai përmes një postimi në Facebook, ka thënë se dialogu i Brukselit tash e 11 vite po zhvillohet midis dy shteteve me orientime të ndryshme strategjike: Serbisë pro ruse, dhe Kosovës pro Euro-Atlantike.
“Përkundër kësaj, Brukseli po vazhdon negociatat anëtarësuese me Beogradin, edhepse ai nuk i zbaton sanksionet kundër Rusisë dhe vazhdon të armatoset nga Rusia e Kina. Ndërkaq, Kosovës – që është në linjë me politikën e jashtme të BE-së, ende nuk ja heq madje as regjimin e vizave”.
Ai ka thënë se BE me politikën e stadarëve të dyshita vështirë që mund ta jetësojë vizionin e saj për “Evropën gjeopolitike”.
“Me politikën e tillë të standardeve të dyfishta, vështirë që BE-ja do të mund ta jetësojë vizionin e saj për “Evropën gjeopolitike”. “Kompasi strategjik” i BE-së nuk mund të navigojë në një Ballkan të lënë në vakuum gjeopolitik, shkaku i tolerimit të kuajve trojan rus në rajon. Qëndrimi ndaj invazionit rus në Ukrainë, duhet të jetë kriter determinues për shtetet ballkanike”, ka shkruar Reka./Teve1.info/
