Mesfushori Aurelien Tchouameni është mungesa e fundit, që Real Madridi a ka konfirmuar në prag të përballjes me Bayern Munchenin.
Trajneri Alvaro Arbeloa, të martën ka publikuar listën e futbollistëve të ftuar për ndeshjen e kthimit çerekfinale të Ligës së Kampionëve, që zhvillohet të mërkurën mbrëma në Munchen.
Pjesë e kësaj liste nuk është francezi Tchouameni, i cili është i suspenduar për këtë ndeshje por që ka udhëtuar me ekipin për të përkrahur bashkëlojtarët në tentimin për të eliminuar Bayernin.
Krahas Tchouamenit, Realit për këtë ndeshje i mungojnë edhe portieri Thibaout Courtois dhe sulmuesi Rodrygo, të dy ende të lënduar.
Bayerni e ka fituar 2:1 ndeshjen e parë kundër Real Madridit, e cila është luajtur javën e shkuar në stadiumin “Santiago Bernabeu”.
