Real Madridi ka përmbysur Espanyolin në kuadër të xhiros së 25 në La Liga, duke e mposhtur në fund 3:1. Mysafirët kaluan në epërsi me anë të Joselut që në minutën e tetë të ndeshjes, ndërsa Ruben Sanchez ishte asistuesi.
Los Blancos nuk u demotivuan dhe i barazuan shifrat në 1-1 me anë të Vinicius Junior, me Toni Kroos që ishte asistues.
Derisa po përfundonte pjesa e parë, madrilenët ia dolën t’i përmbysnin shifrat në 2-1, kur Aurelien Tchouameni asistoi te Eder Militao që realizoi me kokë.
Dominimi ishte nga e Real Madridi, që e realizoi edhe golin e tretë, por që vetëm ky ishte rasti më serioz i kësaj pjese. Nacho Fernandez asistoi në minutën e 90+3-të te Marco Asensio, që e vulosi fitoren e madrilenëve për 3-1.
Pas javës së 25-të, Reali është në vendin e dytë me 56 pikë, gjashtë më pak se Barcelona që është lidere, ndërsa në xhiron e 26-të do kenë punë pikërisht me katalunasit.
