“Largimi i fëmijës nga drejtoresha e Sh.F.M.U “Jeronim De Rada” është në kundërshtim me Kushtetutën e Republikës së Kosovës, Ligjin Nr. 04/L-032 të Arsimit Parauniversitar dhe Konventën mbi të Drejtat e Fëmijës, pasi ky vendim për largimin e fëmijës është marr mbi bazën e dukjes së tij fizike”,thuhet në reagim.
Sipas nenit (47), paragrafi (2) të Kushtetutës së Republikës së Kosovës, shkolla duhet të siguroj për secilin person mundësi të barabarta për t’u arsimuar, sipas aftësive dhe nevojave të veçanta të tij.
Sipas Nenit (40), Parimi i arsimit gjithëpërfshirës, të Ligjit për Arsimin Parauniversitar, institucionet arsimore duhet të akomodojnë të gjithë fëmijët, pa dallim të kushteve të tyre fizike, intelektuale, sociale, gjuhësore apo të tjera dhe duhet të promovojë integrimin, dhe kontaktin mes fëmijëve, thuhet në komunikatë.
Prindi i tij, Fadil Idrizi, ka deklaruar një ditë më parë në medie se fëmijës iu ka pamundësuar vijimi i mësimit për shkak të flokëve të gjata.
