Haxhiu ka thënë se pikërisht sot në aktivitetin e parë të Kampanjës ”16 ditët e aktivizmit kundër dhunës në baza gjinore”, ka marrë lajmin tronditës për vrasjen e një gruaje nga burri i saj.
Haxhiu përmes një postimi në Facebook ka ngushëlluar familjen, kolegët dhe nxënësit teksa ka theksuar se duhet gjetur forcë drejtë ngritjes së vetëdijes qytetare dhe luftën ndaj dhunës.
“Në mëngjesin e sotëm, rrugës drejt aktivitetit të parë të Kampanjës “16 ditët e aktivizmit kundër dhunës në baza gjinore”, aktivitetit në shkollë me nxënës dhe arsimtarë, mora lajmin tronditës: Një grua vritet nga burri i saj. Një arsimtare e një shkolle në Prishtinë. Është fenomen tejet shqetësues, vrasja e grave nga burrat e tyre. Ky lajm, kno vrasje e rëndë, na pikëllon thellë të gjithëve, por ne do të gjejmë edhe më shumë forcë, drejt ngritjes së vetëdijes qytetare dhe përgjegjësisë institucionale. Drejt luftës ndaj dhunës. Drejt vënies së drejtësisë. Familjes, kolegëve dhe nxënësve, i shprehim ngushllimet më të sinqerta”, shkroi ajo.
Sot Prokuroria Themelore në Prishtinë ka njoftuar se është ndaluar personi me inicialet I.G. (1952) për shkak të dyshimit se ka kryer veprën penale “Vrasja e rëndë”./teve1.info./
