Deputeti nga radhët e komunitetit serb, Nenad Rashiq ka deklaruar para fillimit të seancës konstituive se nuk ka pasur bisedime e as marrëveshje me partitë shqiptare.
Rashiq është shprehur optimist, ngase ai tha se shpreson që do ta merr postin e nënkryetarit të Kuvendit.
“Nëse vjen radha ime dhe nëse votojnë për mua, unë normal që do ta marr detyrën në formën e përgjegjësisë që po pres që të kanë edhe partitë tjera politike në Kuvend, nuk kam biseduar me partitë shqiptare, nuk kam parë që partitë politike kanë ndryshuar qasjen ndaj meje. Po pres, besoj që është shumë e mundshme siç thatë vendimi i Gjykatës e detyron secilin deputet me votu, prandaj kam shpresë që do të ndodhë”, tha Rashiq./teve1.info/
