Sulmuesi i Kosovës, Albion Rrahmani sipas të gjitha gjasave karrierën do ta vazhdoj në Premier League të Anglisë.
Prej edicionit të ardhshëm, Rrahmani pritet të jetë pjesë e Aston Villas, ekip që thuhet se tashmë ka arritur marrëveshje me Rapid Bukureshtin për transferimin e tij në verë.
Mësohet se Rapidi ka pranuar ofertën prej 11 milionë eurosh për Rrahmanin nga Aston Villa, ekip që ka mposhtur konkurrencën e fortë nga Benfica.
Rrahmani ka kontratë me Rapidin deri në vitin 2026, ndërsa këtë edicion ka shpërthyer me 15 gola në të gjitha garat.
Sulmuesi 23-vjeçar iu bashkua Rapidit verën e shkuar nga Ballkani i Suharekës për 600 mijë euro. Rrahmani, gjithashtu ka edhe katër paraqitje me Kombëtaren e Kosovës.
