Ylber Ramadani pritet të mungoj për duelin që skuadra e tij, Lecce e luan këtë vikend ndaj Monzas në kuadër të Serie A.
Klubi i Lecces të martën ka bërë një njoftim në lidhje me situatën e Ramadanit, i cili thuhet se ka tejkaluar shqetësimin që e kishte dhe së shpejti do të jetë në dispozicion të trajnerit Lucca Gotti.
Ramadani shkaku i një shqetësimi në qafë nuk luajti fare në fitoren e Lecces 3:0 në udhëtim te Sassuolo vikendin e fundit. Ramadani është njëri prej lojtarëve kyç këtë edicion te Lecce, ekip që të shtunën luan në shtëpi me Monzan në kuadër të xhiros së 34-të në Serie A.
“Lecce njofton se Ylber Ramadani pritet së shpejti të jetë në dispozicion të trajnerit, por nuk do të jetë i disponueshëm për ndeshjen e së shtunës”, thuhet ndër të tjera në komunikatën e ekipit italian.
Ramadani verën e shkuar iu bashkua Lecces nga Aberdeeni i Skocisë dhe firmosi kontratë deri në vitin 2026. Në 30 ndeshje të luajtura në Serie A, Ramadani ka shënuar 1 gol kurse Lecce zë vendin e 13-të me 35 pikë të grumbulluara.
27-vjeçari ka edhe 34 ndeshje të luajtura me Kombëtaren e Shqipërisë dhe 1 gol të shënuar.