Kryetari i Komunës së Prishtinës, Perparim Rama, ka njoftuar se Donjeta Dragusha do të jetë në krye të Drejtorisë për Zhvillim Rural.
Rama ka thënë se është i bindur se Dragusha do ta shndërrojë këtë sektor në një burim të qëndrueshëm ekonomik.
“Donjeta, me vullnet dhe shumë energji do të angazhohet për të zhvilluar edhe më tutje bujqësinë dhe turizmin rural në fshatrat tona, të cilat kanë potencial të madh për agroturizëm. Me shkollimin e saj në fushën e ekonomisë, përvojën në udhëheqjen e institucioneve të ndryshme financiare dhe pozitën e këshilltares për ekonomi në institucione publike, jam i bindur se do ta shndërrojë këtë sektor në një burim të qëndrueshëm ekonomik”, ka shkruar Rama.
Ndryshe Rama edhe ka falënderuar drejtorin e deritanishëm, Plator Gërdovcin (PDK), për punën e deritanishme.
