Kryetari i Prishtinës, Përparim Rama ka kujtuar në 29-vjetorin e rënies së heronjve Zahir Pajaziti, Edmond Hoxha dhe Hakif Zejnullahu.
Rama ka thënë se sakrifica e tyre nuk ishte vetëm akt heroizmi, por një akt i lartë politik dhe kombëtar.
“Sot, në 29-vjetorin e rënies së heronjve Zahir Pajaziti, Edmond Hoxha dhe Hakif Zejnullah, përulemi me respekt dhe mirënjohje të thellë para veprës së tyre madhore. Sakrifica e tyre nuk ishte vetëm akt heroizmi, por një akt i lartë politik dhe kombëtar, një deklaratë e qartë se liria nuk negociohet dhe se dinjiteti i popullit mbrohet me vendosmëri. Ata i paraprinë historisë me guxim, duke e kthyer idealin e lirisë në rrugë pa kthim për Kosovën.Sot, mbi themelet e gjakut të tyre, kemi për obligim ta mbrojmë shtetin dhe vlerat për të cilat ata ranë. Liria e fituar me sakrificë kërkon përgjegjësi, drejtësi dhe përkushtim të pandalshëm. Lavdi e përjetshme heronjve. Mirënjohje e përhershme për ata që i dhanë kuptim fjalës shtet dhe liri”, ka shkruar Rama./teve1.info/
