Kandidati i Lidhjes Demokratike të Kosovës për kryetar të Prishtinës, Përparim Rama, ka njoftuar për përfundimin e restaurimit të Sahat Kullës, një prej monumenteve më të rëndësishme të kryeqytetit.
Në një postim në Facebook, Rama ka paraqitur ndryshimet e realizuara në këtë objekt historik, duke publikuar fotografi “para” dhe “pas” restaurimit.
Kryetari aktual i Prishtinës ka theksuar se pas ndërhyrjes restauruese, ora e Sahat Kullës ka nisur sërish të rrahë, duke rikthyer një simbol të rëndësishëm të jetës qytetare.
“Sahat Kulla – Përtej kohës! Pas dekadash heshtjeje, mekanizmi i Sahat Kullës u restaurua dhe ora e qytetit filloi të rrahë sërish, duke rikthyer një pjesë të shpirtit të Prishtinës.Me ndriçimin e saj modern, Kulla nuk është më vetëm monument i historisë, por është bërë një nga pikat më të bukura dhe më të dukshme të qytetit natën”, ka shkruar Rama.
