Drejtoria Rajonale e Policisë në Prizren njofton për një rast të ndershmërisë qytetare që meriton vlerësim dhe publikim.
Një qytetar nga Prizreni ka gjetur në tokë një kulet me dokumente personale dhe 505 euro e disa Lei Rumun para të gatshme.
“Ai ka raportuar rastin dhe i ka dorëzuar kuletën me gjithë parat në Stacionin Policor të Prizrenit po atë dite. Pas verifikimit të dokumentacionit, është identifikuar personi që e kishte humbur kuletën – një qytetar nga Prizreni, të cilit më pas në stacion i janë dorëzuar kuleta me dokumentet dhe parat e gatshëm. Policia e Kosovës falënderon qytetarin për veprimin e tij shembullor dhe inkurajon të gjithë qytetarët që të ndjekin këtë model të ndershmërisë dhe bashkëpunimit me institucionet”, shkruhet në njoftimin e Policisë.
Policia sqaron se përvetësimi i gjërave të huaja edhe nëse është i gjetur në rrugë apo kudo tjetër, përbën vepër penale dhe është e dënueshme sipas Kodit Penal të Republikës së Kosovës.
