Këtë deklaratë ai e bëri në emisionin “ResPublika” në tëvë1 teksa ishte duke diskutuar për çështjen e targave dhe mosarritjen e një marrëveshje sot në Bruksel në mes Kosovës dhe Serbisë.
Quni tha se duhet të këmbëngulet që Serbia ta pranojë një realitet të ri, pasi që sipas tij, ajo ende pretendon që është zotuese e territorit të Kosovës.
“Çështjet teknike nuk duhet të jenë pengesë për të ardhur deri tek epilogu pozitiv për shtetin e Kosovës. Këmbëngulja që Serbia të pranojë një realitet të ri dhe nga Kushtetuta e saj thjeshtë të heq të gjitha dispozita ku ajo ende pretendon që është zotuese e territorit të Kosovës dhe pas kësaj të gjitha çështjet administrative, teknike etj do të rregulloheshin me automatizëm”, tha ai.
Tutje deputeti i LDK-së tha se sado që Kosova ka të drejtë për çështjen e targave dhe kthimin e tyre nga ilegale në legale prapë se prapë kjo po shkakton tensione.
“Unë mendoj që ato përpjekjet rreth ngjitëseve në tabela, tani këto ndarja në faza për miratimin e proceseve që të tërhiqen tabelat ilegale dhe qytetarët të pajisen me tabela legale sado që është në të drejtën tonë ato po krijojnë tensione. Po krijojnë tensione në përmasa po krijohet një pretekst që autoritet e Serbisë nëpërmjet grupeve të tyre që i kanë të instaluara në veri filluar nga ato kriminale paramilitare e deri tek shërbimet e inteligjencës thjeshtë i biondin qytetarët, komunitetin serb në atë pjesë të fillojnë të demonstrojnë me padëgjueshmëri”, shtoi Quni./Teve1.info/
