Qeveria e Kosovës ka vlerësuar se nuk ka pengesa për nismën e ndryshimit të Ligjit për Specialen.
Kjo është bërë e ditur në vendimin që ka publikuar ekzekutivi pas kthimit të përgjigjes Kuvendit të Kosovës për nismën e PDK-së.
“Qeveria e Republikës së Kosovës, në pajtim me kërkesën e Kuvendit të Republikës së Kosovës Nr. 1108, të datës 23 shtator 2026, vlerëson se nuk ka pengesa ligjore për Nismën për “Projektligjin për ndryshimin dhe plotësimin e Ligjit Nr. 05/L-053 për Dhomat e Specializuara dhe Zyrën e Prokurorit të Specializuar”. Vendimi, bashkë me tekstin e mendimit nga pika 1 e këtij Vendimi, i dërgohet Kuvendit të Republikës së Kosovës. Vendimi hyn në fuqi ditën e publikimit në Gazetën Zyrtare të Republikës së Kosovës”, thuhet mes tjerash nga Qeveria.
Qeveria të premten në mbrëmje i ka kthyer Kuvendit përgjigje për këtë nismë pas një mbledhje të mbajtur në mënyrë elektronike.
