Qeveria e Republikës së Kosovës ka miratuar të mërkurën vendimin për t’i kërkuar Presidentes së re të Kosovës, Justina Shiroka-Pulës, dhënien e autorizimit ministrit të Financave, Hekuran Murati, për nënshkrimin e marrëveshjes së kredisë ndërmjet Kosovës dhe Bankës Evropiane për Investime (BEI).
Vendimi është miratuar gjatë mbledhjes së gjashtë të Qeverisë, e cila është zhvilluar në mënyrë elektronike.
Sipas njoftimit të Zyrës së Kryeministrit, marrëveshja e kredisë lidhet me Projektin për Përmirësimin e Pajisjeve Mjekësore dhe Infrastrukturës.
“Qeveria e Republikës së Kosovës ka zhvilluar mbledhje elektronike, në të cilën ka miratuar vendimin për të kërkuar nga Presidentja e Republikës së Kosovës dhënien e autorizimit Ministrit të Financave për nënshkrimin e Marrëveshjes së Kredisë ndërmjet Republikës së Kosovës dhe Bankës Evropiane për Investime për Projektin për Përmirësim të Pajisjeve Mjekësore dhe Infrastrukturës”, thuhet në njoftimin zyrtar./teve1.info/
