Kabineti qeveritar i Kosovës, mbledhjen e së mërkurës e ka filluar me një minutë heshtje në nderim të viktimave të shkaktuara nga tërmeti që goditi Turqinë dhe Sirinë, dy ditë më parë, raporton teve1.info
Kryeministri Albin Kurti i shprehu ngushëllime familjarëve të cilët i akne humbur të afërmit e tyre, derisa tha se ekipet e FSK-së tashmë kanë arritur në Turqi për t’u dalë në ndihmë të mbijetuarve nga ky termet.
“Jemi tronditur nga tërmeti që goditi Turqinë dhe Sirinë me pasoja jashtëzakonisht të mëdha, me më shumë se 8 mijë e700 jetë të humbura.
Në emër tim dhe Qeverisë së Kosovës u shpreh ngushëllime familjarëve të viktimave, të lënduarve u urojmë shërim sa më të shpejt.
Republika e Kosovës edhe populli i saj janë pranë popullit turk me gatishmërinë më të lartë për mbështetje. Mbi bazën e kapaciteteve tona do të ndihmojmë në tejkalimin e kësaj tragjedie.
Njësitet e FSK-së tashmë janë në zonat e goditura nga tërmeti, në ndihmë të institucioneve të Turqisë dhe popullit turk”, tha Kurti.
