Qeveria e Kosovës, ka shprehur ngushëllime Turqisë e Sirisë dhe familjarëve të viktimave, pas tërmetit që la të vdekur mbi 500 persona.
Në komunikatën e Qeverisë, thuhet se Republika e Kosovës është në gjendje gatishmërie për mbështetje dhe solidaritet, raporton teve1.info
Qeveria e Kosovës ka uruar që në orët në vijim mos të rritet numri i viktimave, teksa të lënduarve i ka uruar shërim.
“Qeveria e Republikës së Kosovës u shpreh ngushëllime familjarëve të viktimave të tërmetit. Shpresojmë që në orët në vijim të mos rritet numri i viktimave dhe të lënduarve u urojmë shërim. Republika e Kosovës dhe populli i Kosovës në këto çaste të vështira janë në gatishmërinë më të lartë për mbështetje dhe solidaritet”, thuhet në komunikatë.
Ambasada e Republikës së Kosovës në Ankara do të vazhdojë të marr informatat nga autoritetet vendore në Republikën e Turqisë nëse në qytetet e goditura ka shtetas kosovar dhe t’u ofrojë mbështetjen e nevojshme./teve1.info
