Qeveria e Kosovës, e ka emëruar Bekim Hoxhen, drejtor të Agjencisë së ushqimit dhe Veterinës (AUV).
Kryeministri Albin Kurti, ka vlerësuar punën profesionale të komisionit rekrutues në përzgjedhjen e kandidatit.
Ndërsa, ministri i Bujqësisë, Faton Peci, ka thënë se Hoxha ka përgatitjen e duhur në nivel akademik dhe institucional.
“Zotëri Hoxha ka ushtruar disa pozita të rëndësishme në nivel të institucioneve, në pozita menaxheriale, duke përfshirë edhe dëshmitë e dhëna si ushtrues detyre si drejtor i AUV-it ku ka demonstruar vendosmëri për avancimin e sektorit, digjitalizimin, rritjen e efikasitetit dhe transparencës dhe për të arritur synimet që kemi”, ka theksuar Peci./teve1.info/
