Sipas gazetarëve në terren nga Lagjja e Boshnjakëve e cila ndodhet në veri të vendit, gjendja në këtë pjesë është qetë, mirëpo me prani të shtuar të pjesëtarëve të Policisë së Kosovës.
Ditëve të fundit në komunave veriore të banuara me shumicë serbe, kishte të shtëna me armë zjarri e mjete tjera shpërthyese, gjatë të cilave u lëndua një pjesëtar i Policisë së Kosovës.
Tensionet në këtë pjesë të Kosovës u shtuan pas hyrjes në fuqi të vendimit për ndëshkimin e qytetarëve që posedojnë targa ilegale në Kosovë, të lëshuara nga shteti serb.
Tensionet sipas krerëve shtetëror të Kosovës u shkaktuan nga grupe kriminale serbe që po operojnë në veri të vendit, me, siç ka deklaruar presidentja Vjosa Osmani dhe kryeministri Albin Kurti, përkrahjen dhe financimin e Serbisë.
