Sipas Pupovcit, ligji për para është duke u vonuar.
“Ne me SBASHK-un kemi dialog të vazhdueshëm dhe kemi pasur dialog edhe në lidhje me paralajmërimet për grevë sepse ato ndërlidhen me aprovimin e ligjit për paga i cili vërtetë është duke u vonuar, por jo për shkak të mos punën por për shkak të komplekistetit të madh të çështjes të cilën e mbulon”, ka thënë ai.
Ai për grevën e 12 majit tha se nuk ka asnjë arsye për një greve të tillë.
“Konsiderojmë që për një grevë të tillë nuk ka asnjë arsye të vetme sepse kompleksitetin e problemit po e dimë të dyja palët dhe nuk kemi nevojë ta paralajmërojmë njëra-tjetrën, sepse asnjëri prej nesh nuk mund të bëjë më shumë se që është bërë deri tani për ligjin e pagave”, deklaroi Pupovci në emisionin “Ditari” në Tëvë1.
Pupovci potencoi se ligji për paga do të vijë shumë shpejt në procedurë parlamentare, por sipas tij nuk do të kalojë shpejt për shkak të mospajtimeve mes sektorëve të ndryshëm.
“Dhe besoj se ai ligj do të vijë shpejtë në procedurë parlamentare por nuk besoj që do të kaloj shpejt për shkak të mospajtimeve që ekzistojnë dhe ato mospajtime nuk do të jenë aq mospajtime mes deputeteve, por në mes të sektorëve të ndryshëm të cilët konsiderojnë se pagat e tyre duhet të jenë të tilla ose të atilla”, tha më tej ai. /teve1.info/
