Qindra qytetarë janë mbledhur edhe mbrëmjen e kësaj të diele në sheshin “Skënderbeu” në Prishtinë në shenjë proteste ndaj vendimit të Gjykatës Speciale në Hagë e cila dënoi gjithsej me 81 vite burg ish-krerët e UÇK-së.
Siç shihet edhe nga pamjet, protestuesit mbajnë në duar një flamur gjigand të UÇK-së.
Teksa valëvisin flamurin, ata brohorasin njëzëri: UÇK!.
Organizatori i protestës, Çlirim Haziri, ka kërkuar nga Qeveria e Kosovës që të rrisë mbështetjen financiare për mbrojtjen e ish-krerëve të UÇK-së në proceset gjyqësore në Hagë.
“Kërkojmë nga Qeveria e Kosovës që të fuqizojë mbështetjen financiare për mbrojtjen e krerëve të UÇK-së”, ka deklaruar Haziri para protestuesve.
Protesta ka pasur edhe në shtete të tjera.
Mërgimtarë të shumtë shqiptarë protestuan gjithashtu edhe në kryeqytetin e Austrisë.
Në këtë protestë në Vjenë mbizotëruan thirrjet “Liria ka emër”, “Jo në emrin tim” dhe “Liri për çlirimtarët e Kosovës.
