Protesta në Tiranë është përshkallëzuar, teksa protestuesit janë futur në ambientet e Ministrisë së Financave, ndërsa vijojnë përplasjet me forcat e policisë.
Ndërkohë, sipas përditësimit të orës 16:30 nga strukturat shëndetësore, tre protestues dhe dy efektivë policie po merrnin trajtim në urgjencën e Spitalit Universitar të Traumës, të gjithë në gjendje të mirë shëndetësore.
Tre protestues të tjerë kishin marrë mjekimin në QSUT dhe ishin larguar nga spitali, raporton A2 CNN.
Kjo është dita e dytë e protestës studentore. Të mërkurën disa universitete dhe fakultete bojkotuan mësimin dhe marshuan nëpër rrugët e Tiranës drejt Ministrisë së Arsimit.
