Shqipëria dhe Maqedonia e Veriut janë vendet që kanë avancuar më së shumti në rajon, në drejtim të Bashkimit Evropian.
BE-ja ka mbetur të përmbush detyrimet e veta ndaj këtyre vendeve, duke u mundësuar hapjen e negociatave.
Por, njohësit e çështjeve politike thonë se propozimi i fundit i presidentit francëz Emanuel Maconit për krijimin e një unioni të ri, vetëm sa e vështirëson integrimin e Ballkanit në Bashkimin Evropian.
Opinionisti nga Shqipëria, Ben Andoni, thotë se qëllimi i Francës është vështirësimi i anëtarësimit të Ballkanit në BE.
“Zotëri Macron po kërkon të vështirësojë prapë procedurën e integrimit e vendeve të Ballkanit Perëndimor dhe kjo duket haptas që është e tillë. Thjeshtë me sa duket për të pasur disa pikë më shumë në zgjedhjet që janë në vendin e tij. Ju e dini që Franca do të përballet me zgjedhjet e tjera dhe duke e ditur atë pjesën skeptike që ka publiku francez për vendet e Ballkanit Perëndimor, kjo është mundësia më e mirë për të penguar të paktën vendet tona”, tha Andoni.
Ngjashëm mendon edhe profesori Universitar nga Maqedonia e Veriut, Bashkim Selmani, sipas të cilit, Franca çdo herë minon proceset e avancimit të Ballkanit.
“Duke e ditur rolin e Francës e cila në kontinuitet kur përafrohen dhe kur krijohen kushte në teren për t’i pranuar këto vende gjithmonë Franca del me një propozim të ri, që unë personalisht nënkuptoj se është vetëm një prolongim dhe një çështje me të cilën gjithmonë Franca e ka atë formulën e vetë të veprimit për t’i penguar këto rrethana për arsye se gjithë ato shtetet kanë bërë atë që është duhur për ta bërë”, tha Selmani.
Ndryshe nga Macron, në një deklarim para mediave, kancelari gjerman Olaf Scholz, ka thënë Gjermania mbetet pranë zotimeve, në raport me vendet e Ballkanit Perëndimor.
Raporti i gazeatrit Valmir Gallopeni.
