Prokuroria Themelore e Mitrovicës ka ngritur aktakuzë sot ndaj dy rusëve që janë ndaluar të dielën në Jarinjë për shkak se nuk kanë pasur viza të Kosovës.
Zëdhënësi në Prokurorinë Themelore të Mitrovicës, Valon Preteni, ka thënë për teve1.info se në kuadër të kërkesës për aktakuzë është edhe dëbimi i rusëve nga Kosova.
“Prokuroria Themelore në Mitrovicë për dy personat e ndaluar, ka ngritur aktakuzë me kërkesën për dëbim jashtë territorit të Kosovës. Kjo për shkak të veprës penale ‘Kalimi i paautorizuar i vendkalimeve kufitare ose i vijës kufitare’, tha Preteni.
Ndër tjera, ai shtoi se të dyshuar kanë ndalim 48-orësh.