Vetëm një ndeshje e xhiros së 33-të në Superligën e Kosovës në futboll, do të luhet në mesjavë pasi duelet tjera do të zhvillohen në vikend.
Prishtina e Re – Prishtina, është ndeshja që do të luhet të mërkurën nga ora 15:00, në Kampin Nacional të FFK-së, në Hajvali.
Arsyeja që kjo përballje luhet të mërkurën është se Prishtina të shtunën përballet me Kosovën e Gjenevës në Zvicrës në duelin e Superkupës së Diasporës.
Prishtina e Re, aktualisht zë vendin e fundit në tabelë me 28 pikë kurse Prishtina është e katërta me 45 pikë të mbledhura kur kanë mbetur edhe katër xhiro deri në fund të sezonit.
Ndërkohë, përballjet tjera të xhiros së 33-të në Superligë, janë: Drenica – Gjilani, Drita – Ballkani, Llapi – Dukagjini dhe Ferizaj Malisheva.
