Portieri Aridon Bllaca ka vazhduar bashkëpunimin me Gjilanin, ka njoftuar të enjten ekipi i Superligës së Kosovës.
Bllaca ka rinovuar kontratën edhe për dy vjet dhe do të jetë pjesë e Gjilanit deri në verën e vitit 2027.
24-vjeçari është produkt i akademisë së Gjilanit dhe sezonin e fundit ishte ndër portierët më të vlerësuar në Superligë.
Bllaca ka regjistruar 35 paraqitje në elitën e futbollit kosovar në total, ku në 11-të prej tyre nuk ka pranuar gol.
Sezonin e fundit, ai ka zhvilluar 10 ndeshje dhe në përgjithësi ka mbi tre mijë minuta lojë me ekipin e parë të Gjilanit.
Ai pritet të jetë i rëndësishëm për portën e Gjilanit në sezonin 2025/26, i cili nis në gjysmën e muajit gusht.
