Njësitë e Trafikut të Kryeqytetit kanë sekuestruar 116 patentë shoferësh gjatë një aksioni të fokusuara në parandalimin e aksidenteve dhe rritjen e sigurisë në rrugët e Prishtinës.
Sipas Policisë, nga data 3 deri më 16 nëntor janë shqiptuar gjithsej 1,851 gjoba për shkelje të ndryshme të rregullave të trafikut, përfshirë 235 gjoba për përdorim të telefonit gjatë ngasjes dhe 31 gjoba për mosrespektim të semaforit.
Policia e Kryeqytetit apelon te të gjithë qytetarët që të respektojnë rregullat e trafikut dhe të kontribuojnë në rritjen e sigurisë së përgjithshme.
Aksionet policore do të vazhdojnë edhe në ditët në vijim, me qëllim parandalimin e aksidenteve dhe mbrojtjen e jetës së qytetarëve.
