Policia Rajonale në Ferizaj ka apeluar tek shoferët e automjeteve që të bëjnë kujdes gjatë drejtimit të automjeteve në mot me mjegull.
Sipas njoftimit, prezenca e mjegullës ka filluar të shfaqet në vendet ku pozita gjeografike është më e ulët.
Derisa janë dhënë edhe disa rekomandime për shoferët e automjeteve:
– Mos harroni se ngasja në mjegull mund të jetë e rrezikshme!
– Mbani në vëzhgim rrugën për ndryshime të papritura të dukshmërisë, mjegulla më e dendur mund të jetë më afër lumenjve.
– Përdorni dritat e mjegullës.
Nëse automjeti juaj i ka këto drita, kjo ju ndihmon të ndriçohet rruga para jush dhe këto drita e bëjnë automjetin tuaj më të dukshëm për shoferët tjerë. Disa automjete kanë edhe dritat e pasme të mjegullës, të cilat ndihmojnë shoferët që lëvizin mbrapa t’ju shohin juve edhe nga një distancë më e madhe.
– Mjegulla mund të krijojë një iluzion optik dhe t’i bëjë shoferët të mendojnë se po shkojnë më ngadalë seç janë. Mbani vëmendjen, mos shpejtoni!
– Ndizni dritat gjatë ngasjes, por mos ndizni dritat me rreze të gjatë!
– Ngasja e automjetit me drita të gjata mund të reflektojë jashtë mjegullës dhe mund të kthehet në automjetin tuaj, e cila gjithashtu e bën të pamundur që shoferët tjerë t’ju shohin.
- Mbani ndezur dritat e shkurtra dhe të mjegullës!
- Mbani nën kontroll shpejtësinë e lëvizjes!
- Mbani krahun e djathtë të rrugës gjatë lëvizjes!
