Policia ka bërë të ditur se situata e sigurisë në veri të Kosovës vazhdon të jetë e njëjtë, dy pikat kufitare Jarinje dhe Bërnjak vazhdojnë të jenë të mbyllura për shkak që grupet kriminale po pengojnë lirinë e lëvizjes së qytetarëve dhe qarkullimit të mallrave.
Në komunikatë thuhet se pavarësisht aketeve kriminale dhe sulmeve të raportuara Policia e Kosoëvs vazhdon të mbetet vigjilente dhe e angazhuar të kryerjes të detyrave kushtetuese dhe ligjore në interes të sigurisë, raporton teve1.info
“Situata e sigurisë në veri të vendit edhe sot vazhdon të jetë e njëjtë që nga vendosja e barrikadave nga grupet kriminale, po ashtu edhe dy pikat kufitare Jarinje dhe Bërnjak vazhdojnë të jenë të mbyllura tanimë për arsye të njohura, pasi që grupet kriminale po pengojnë lirinë e lëvizjes së qytetarëve dhe qarkullimit të mallrave. Pavarësisht akteve kriminale dhe sulmeve të raportuara ndaj personelit të sigurisë, personelit monitorues ndërkombëtar dhe mediave, Policia e Kosovës vazhdon të mbetet vigjilente dhe e angazhuar në nivelin dhe moralin më të lartë të kryerjes së detyrave kushtetuese dhe ligjore, në interes të sigurisë së përgjithshme”, thuhet në komunikatë.
Tutje thuhet se Policia për personelin e saj në detyrë ka ndërmarrur masat e sigurisë, masat e nevojshme mbështetëse dhe logjistike,përfshirë edhe veshmbathjen dhe ushqimin.
“Ashtu siç e kemi theksuar edhe më parë Policia e Kosovës do të vazhdojë të angazhohet për ofrim të sigurisë ndaj të gjithë qytetarëve pa dallime, sjelljen para organeve të drejtësisë së personave të dyshuar, si dhe ruajtjen e rendit kushtetues të Republikës së Kosovës”, thuhet ndër të tjerash./teve1.info
