Policia e Kosovës gjatë ditës së sotme në Merdare, ka kontrolluar bagazhin e një autobusi me targa të huaja, ku kanë gjetur pajisje të dyshuara ushtarake.
Gjatë kontrollit, njësitë policore kanë hasur në një valixhe ku kanë gjetur tri thika luftarake, dy radiolidhje-motorola, një çantë ushtarake, një jelek taktik, një palë doreza, një helmetë taktike, tri bateria, dy këllëf për revole dhe një imtim i predhës.
“Lidhur me rastin është njoftuar prokurori kompetent dhe me autorizim të tij është iniciuar rasti “import, eksport, furnizim, prodhim, këmbim, ndërmjetësim ose shitje e paautorizuara e armëve”, thuhet në njoftim të Policisë së Kosovës.
Tutje, është bërë e ditur se pajisjet me vendim të prokurorit janë sekuestruar, ndërkohë i dyshuari është liruar në procedurë të rregullt.
Ndërkaq, thuhet se hetimet lidhur me rastin mbeten në proces nga autoritetet kompetente./teve1.info/
