Policia e Kosovës ka njoftuat se sonte rreth orës 20:20, në fshatin Godanc i Ulët, në një lokal, njësia e hetimeve të stacionit policor në Shtime ka arrestuar 52-vjeçarin B.H.
Ai ishte i kërkuar në bazë të urdhëresës së lëshuar nga Gjykata Themelore në Ferizaj, me kohëzgjatje prej 3 vite e 6 muaj për veprën penale trafikim me njerëz.
Në njoftimin e policisë thuhet se pas përfundimit të procedurave, i arrestuari është dërguar në qendrën e paraburgimit, për vuajtje të dënimit.
“Me datën 20.09.2026, rreth orës 20:20, në fshatin Godanc i Ulët, në një lokal, njësia e hetimeve të stacionit policor në Shtime ka arrestuar personin B.H.,(52 vjeç). Ai ishte i kërkuar në bazë të urdhëresës së lëshuar nga Gjykata Themelore në Ferizaj, me kohëzgjatje prej 3 vite e 6 muaj për veprën penale trafikim me njerëz. Pas përfundimit të procedurave, i arrestuari është dërguar në qendrën e paraburgimit, për vuajtje të dënimit”, njofton Policia e Kosovës.
