Policia e Kosovës ka bërë thirrje për bashkëpunim nga qytetarët për identifikimin e një personi të dyshuar për përfshirje në veprime të kundërligjshme, duke publikuar fotografinë e tij. I dyshuari kërkohet për veprën penale “vjedhje e rëndë”.
Sipas njoftimit zyrtar:
“Njësiti i Hetimeve të stacionit policor të Podujevës, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e personit që shihet në fotografi.”
Policia bën thirrje që çdo informacion që mund të ndihmojë në gjetjen e të dyshuarit të raportohet menjëherë:
“Të nderuar, për çdo informatë që mund të çojë në identifikimin e tij, ju lusim të kontaktoni policinë në numrin e telefonit 192 ose përmes emailit [email protected].”
Ky njoftim synon mobilizimin e qytetarëve për të ndihmuar organet e rendit në zbardhjen e veprës penale dhe kapjen e të dyshuarit.
