Policia e Kosovës në bashkëpunim me ambasadën e Shteteve të Bashkuara në Prishtinë, Programin Ndërkombëtar të Asistencës në Trajnim për Hetimet Kriminale të Departamentit të Drejtësisë (ICITAP) dhe Administratën për Zbatimin e Drogës (DEA), përfunduan me sukses ‘kursin e avancuar një-javor për operacione të fshehta’ të mbajtur në Prishtinë.
Të 22 pjesëmarrësve, përfaqësues të Policisë së Kosovës dhe Inspektoratit Policor, iu dorëzuan çertifikatat. Kursi i zhvilluar nga instruktorë të DEA-s, u vlerësua për përmbajtjen e tij të specializuar, të avancuar dhe informative, i cili u dha pjesëmarrësve njohuri të vlefshme për zhvillim profesional.
Në ceremoninë e diplomimit morën pjesë: kolonele Taibe Canolli nga Policia e Kosovës, drejtori i departamentit për ankesa pranë Inspektoratit Policor, Bajram Fetahu, këshilltarja vendore nga ICITAP për Policinë e Kosovës Leonora Berkani si dhe personeli i ICITAP-it dhe instruktorët nga DEA.
Policia e Kosovës falënderoi ekipin e ICITAP-it për përkushtimin dhe mbështetjen e tyre dhe stafin e DEA-s për njohuritë dhe aftësitë e tyre që kontribuuan në suksesin e trajnimit.
Shkëmbimi i ekspertizës dhe njohurive nga instruktorët avancoi aftësitë dhe shkathtësitë e pjesëmarrësve, duke kontribuar në zhvillimin e tyre profesional.
