Edon Zhegrova gjeti rrugën e rrjetës në elitën e kampionatit francez, Ligue 1. Sulmuesi i Kosovës realizoi në minutën e 40-të për Lille në ndeshjen që këta të fundit luajtën në transfertë ndaj Le Havre. 24-vjeçari realizoi në mënyrën e tij teksa dribloi bukur dy kundërshtarë dhe më pas me të majtën lëshoi një “predhë” me topin që u preh në rrjetë.
Asgjë për të bërë nga ana e portierit kundërshtar që mundi vetëm të shijonte magjinë e sulmuesit shqiptar. Në pjesën e dytë, Lille iu gëzua edhe një autogoli për të fituar me shifrat 0-2. Ky trepikësh e ngjit Lille në vendin e gjashtë me 11 pikë, ndërsa për t’u theksuar se ky ishte goli i parë i Zhegrovës në pesë ndeshje të kampionatit francez.
https://twitter.com/FootballKosovo/status/1708478004890886209
