Një person është zënë në autostradë duke e ngitur traktorin, mjet që sipas rregullave të komunikacionit e ka të ndaluar lëvizjen në autostradë.
Policia pas kontrollit ka vërejtur po ashtu se drejtuesi i këtij mjeti nuk kishte fare patent-shofer për këtë kategori të mjeteve, ku i është shqiptuar fletëparaqitje për kundërvajtje në trafik.
“Policia e Kosovës, me qëllim të ofrimit të sigurisë për të gjithë pjesëmarrësit në trafik, do të vazhdojë me ndërmarrjen e masave dhe veprimeve policore ndaj kundërvajtësve të ndryshëm të cilët rrezikojnë sigurinë në trafikun rrugor”, thuhet në njoftim.
