Kandidati i LDK-së për kryetar të Mitrovicës së Jugut, Gëzim Plakolli ka deklaruar se ka filluar takimet me qytetarët e Mitrovicës për zgjedhjet lokale të 12 tetorit, duke premtuar mësim tërë ditor për nxënësit nga klasa e parë deri në të pestën.
Sipas Plakollit, fokusi kryesor i tij i programit për kryetar janë investimet bazike për qytetarët e kësaj komune.
“Unë kam filluar takimet për këto zgjedhjet lokale të 12 tetorit 2025. Takimet i kemi në baza ditore dhe takim në të gjithë komunën e Mitrovicës, do të jetë një garë e mirë, një garë e ngushtë dhe do të jemi befasia e këndshme e këtyre zgjedhjeve. Programi im do të përmbledh nevojat e qytetarëve, unë për Mitrovicën premtoi projekte megalomane por fatkeqësisht prapë Mitrovica lëngon me nevojat për investimet bazike të qytetarit, Mitrovica ka nevojë për kanalizime, lëngon për siguri publike, investime në arsim, kulturë. Pjesë e programit do të jenë nevojat e qytetarëve të Mitrovicës. Fokusi im kryesor do të jetë mësimi tërëditor, ku fëmijët e Mitrovicës nga klasa e 1 deri në 5 do t’iu ofrojmë mësim tërë ditor, shujta të nxehta dhe do t’iu ofrojmë mundësi argëtimi për të gjithë ata”, ka deklaruar Plakolli në emisionin “Ditari” në Tëvë1./teve1.info/
