Brenda këtij lokali në Pejë, u dëgjuan gjuajtje me armë të dielën.
Cak dyshohet se ishte pronari Jeton Buquku, i cili mbeti i plagosur, dhe po trajtohet në Qendrën Klinike Universitare të Kosovës.
Për këtë tentim vrasje, organet e rendit i kanë identifikuar si të dyshuar tre persona, Arian Qelaj, Ylli dhe Altin Qelaj nga fshati Maznik i Deçanit.
Për shkak se ndodhen në arrati, fotografitë e të dyshuarve i ka bërë publike Policia e Kosovës.
Por motivet akoma mbesin të panjohura.
Shkaku akoma nuk dihet as nga Prokuroria Themelore e Pejës.
Kryeprokurorja Lumturije Vuçetaj thotë se janë duke u kryer hetime intensive.
Ajo thekson se ende nuk ka informacione të konfirmuara nëse të dyshuarit kanë kryer edhe vepra të tjera penale.
Por i njohur për organet e drejtësisë është edhe viktima, Jeton Buquku.
Buquku është jashtë rrezikut për jetë.
