Një 37-vjeçar është plagosur me armë zjarri mbrëmjen e sotme në fshatin Nashec të Prizrenit.
I njëjti është dërguar në Emergjencën e Spitalit Rajonal të Prizrenit, që sipas raportit mjekësor, ai është plagosur në këmbë derisa gjendja e tij shëndetësore është jashtë rrezikut për jetë.
Ndërkohë, zëdhënësi i Policisë së Kosovës për rajonin e Prizrenit, Vesel Gashi për teve1.info ka bërë të ditur se i dyshuari është larguar nga vendi i ngjarjes, derisa i njëjti është identifikuar.
Rasti i cili është cilësuar “vrasje në tentativë” dyshohet se ka ndodhur në fshatin Nachec të Prizrenit, ku policia thotë se i dyshuari me inicialet B.U., e ka plagosur viktimën J.A., nga automjeti që ishte në lëvizje.
Gashi deklaroi se njësitë policore janë në kërkim të dyshuarit.
“Lidhur me rastin është njoftua prokurori i shtetit dhe sektori i hetimeve rajonale në Prizren”, deklaroi zëdhënësi./teve1.info/
