E shtuna do të jetë vendimtare për pesë skuadra të Ligës së p[arë, në kërkim të rikthimit dhe hyrjes në Superligë, dhe garës për barazh.
Të shtunën, duke nisur nga ora 16:00, luhen ndeshjet e fundit të Ligës së parë për këtë edicion, që si asnjëherë më parë, përfshin në garë deri në fund, pesë ekipe për dy vendet e para që dërgojnë direkt në Superligë dhe dy vendet e tjera për barazh.
Kjo ka bërë që të kemi dy duele direkte për këto pozita.
Padyshim ndeshja kryesore do të zhvillohet në Gjakovë, ku lideria aktuale Vushtrria është mysafire e Vëllaznimit.
Skuadra e Armend Dallkut ka 72 pikë, derisa gjakovarët në vendin e katërt kanë 70 pikë. Me fitore, Vushtrria siguron vendin e parë dhe rikthimin direkt në ligën elite, por me humbje apo barazim mbetet në barazh. Për gjakovarët vlen vetëm fitorja, pasi çdo rezultat tjetër, varet më vonë edhe nga ndeshjet tjera.
Feronikeli është mysafir i Ramiz Sadikut, që synon poashtu të rikthehet në Superligë, ndërsa dueli tjetër vendimtar i xhiros së fundit është ai ndërmjet Dinamos dhe Lirisë.
Ndeshja në Ferizaj përballë ekipin e vendit të tretë, Dinamon me 71 pikë dhe prizrenasit që kanë 68 pikë. Ferizajasit me fitore dhe duke pritur edhe rezultatet e tjera, mund të promovohen në Superligë, për derisa Lirisë i duhet vetëm fitorja, për të shpresuar në barazh.
