36 persona kanë vdekur në Sao Paulos të Brazilit pas përmbytjeve dhe rrëshqitjes së dheut si pasojë e reshjeve të shiut.
Qeveria e shtetit Sao Paulo tha në një deklaratë se 35 vdiqën në qytetin e Sao Sebastiao dhe një vajzë 7-vjeçare u vra në Ubatuba fqinje.
“Ekipet e kërkimit dhe të shpëtimit nuk po arrijnë në disa vende, është situatë kaotike. Ne nuk e kemi vlerësuar ende shkallën e dëmit. Po përpiqemi të shpëtojmë njerëz”, tha Felipe Augusto, kryebashkiaku i Sao Sebastiao, raporton AP.
Më pas, ai shtoi se ka dhjetëra persona të zhdukur dhe se 50 shtëpi janë shembur në qytet për shkak të rrëshqitjeve të dheut.
Sipas zyrtarëve numri i viktimave do të rritet./teve1.info/
