Dy të mitur janë përleshur mes veti pasditen e sotme në Skenderaj, ku njëri nga ata ka marrë lëndime trupore nga mjeti i mprehtë thikë.
Lajmin për tëvë1.info e ka konfirmuar zëdhënësi i policisë për rajonin e Mitrovicës, Avni Zahiti, i cili tha se dy të miturit janë dërguar për tretman mjekësor.
“Rreth orës 14:17, është raportuar për një përleshje në sheshin ‘Adem Jashari” në Skenderaj. Nga hetimet fillestare behet e ditur se si pasojë e përleshjes dy persona të moshës së mitur kanë pësuar lëndime, të njëjtit janë dërguar për tretman mjekësor, njëri nga të lënduarit lëndimet i ka pësuar nga një mjet i mprehtë. Hetuesit policorë po vijojnë me rrjedhën e hetimeve”, ka thënë Zahiti./teve1.info/
