Ka përfunduar rinumërimi i 1,631 fletëvotimeve të pavlefshme nga votimi me postë.
Këtë e ka konfirmuar për Tëvë 1, zëdhënësi i Komisionit Qendror Zgjedhor , Valmir Elezi, i cili tha se KQZ ka ofruar transparencë të plotë të procesit të numërimit duke prezantuar në ekrane punën e çdo ekipi të numërimit, përfshirë pamjen e fletëvotimeve.
“Ju njoftoj se sot (e mërkurë, 12 mars 2025, në orën 15:00) në Qendrën e Numërimit dhe Rezultateve është përmbyllur procesi i numërimit të 1,631 fletëvotimeve të pavlefshme nga votimi me postë dhe të njëjtat janë rivlerësuar sipas kërkesës së shprehur në vendimin e Panelit Zgjedhor për Ankesa dhe Parashtresa. Komisioni Qendror i Zgjedhjeve ka ofruar transparencë të plotë të procesit të numërimit duke prezantuar në ekrane punën e çdo ekipi të numërimit, përfshirë pamjen e fletëvotimeve. Gjithashtu, numërimi është zhvilluar në prezencë të vëzhguesve të akredituar dhe mediave”, ka thënë ai.
