Janë fletëvotime të njëjta, por me numra serik të ndryshëm.
E të tilla në Qendrën Komunale të Numërimit në Mitrovicës dyshohet të jenë plotë shtatëdhjetë e pesë.
Dyshimet e para për këto parregullsi u ngritën nga Partia Demokratike e Kosovës, e cila theksoi se raste e tilla kanë cenuar besimin e qytetarëve.
“Në sot mendojmë që ky proces duhet të bie edhe në duart e organeve të drejtësisë për faktin se nga këtu kemi vënë re se kemi defekt serioz të fletëvotimeve të cilat e kanë rrënuar besimin e opinionit publik të procesit zgjedhor. Konsiderojmë që e vetmja mënyrë për të rikthyer procesin në binar dhe rikthimin e besimit të qytetarëve në procesin zgjedhor dhe për t’i dhënë integritet dhe besueshmëri është rikthimi edhe njëherë te qytetari, që nënkupton rivotim të ri, shkuarja prapë në zgjedhje në këtë komunë”, ka thënë Gashi.
Ndërkohë, kryesuesi i Komisionit Komunal të Zgjedhjeve në Mitrovicë, Bajram Hajdari, tha se më të përfunduar këtu verifikimi, kutit do të barten ne QNR-në në Fushë Kosovë.
“Procesi i verifikimit të fletëvotimeve ka përfunduar në orën 14:00. Tash jemi duke bërë përgatitjen për bartjen e materialit në QNR në Fushë Kosovë. Sipas një verifikimi paraprak janë 75 fletëvotime për ato që po pyetni ju. Janë të dy kandidatëve. Ato me kërkesë të policisë i kemi bërë kopje dhe i kemi dorëzuar dhe tani janë organet tjera” , ka thënë Hajdari.
Për këtë proces të ditës së sotme nuk deshi të flas anëtari i KQZ-së nga Lëvizja Vetëvendosje.
“Nuk kam asnjë informacion absolutisht. Kam qenë dje dhe nuk kam asgjë as nuk kam çfarë të deklaroj, se nuk jam i informuar”, është shprehur Kurteshi.
Procesi i numërimit ishte ndaluar mbrëmjen e së hënës nga Prokuroria Themelore në Mitrovicë, për të rifilluar sërish të martën me urdhër të organeve të drejtësisë pasi që dyshimet për manipulim votash nuk dolën të jenë të tilla, por sipas kompanisë që ka printuar këtë fletëvotime ishin gabime teknike.
