Tani më gjërat janë definuar qartë. Kosova ka aplikuar në Këshillin e Evropës dhe besohet si ka gjasat reale për anëtarësim.
Njohësit e çështjeve politike, thonë se përfitimet e Kosovës nga inkuadrimi në këtë organizatë janë shumëdimensionale.
Politologu Dritëro Arifi, në emisionin “Ditar” në tëvë1 tha se anëtarësimi në Këshillin e Evropës, do t’i hap Kosovës mundësinë për afirmim në arenën ndërkombëtare.
Ndërsa, profesori universitar Përparim Gruda, thotë se bashkëngjitja e Kosovës në këtë organizatë ndërkombëtare avancon sundimin e ligjit dhe te drejtat e njeriut në vendin tonë.
Çështja e anëtarësimit të Kosovës në Këshillin e Evropës u aktualizua pas largimit të Rusisë si pasojë e agresionit në Ukrainë, çka solli deri te një unitet më i madh brenda Evropës si masë parandaluese ndaj shtrirjes së ndikimit rus.
Raporti i gazetarit Valmir Gallopeni.
