Inspektoriati Policor i Kosovës (IPK) i ka rekomanduar Policisë së Kosovës suspendimin e një zyrtari policor të dyshuar për shkaktim të rrezikut të përgjithshëm.
Sipas IPK-së dyshohet se zyrtari policor jashtë detyrës zyrtare ka përdorur revolen zyrtare, me municion privat – jo zyrtar, në një fshat të Gjilanit.
“Ky rekomandim është bërë në përputhje me parimet ligjore dhe transparencës, duke marrë parasysh rëndësinë e ruajtjes së standardeve profesionale në Policinë e Kosovës”, thuhet në komunikatë.
